منڈی بہائو الدین ۔18فروری (اے پی پی) وزیراعظم عمران خان آکھیا جو اپوزیشن عدم اعتماد دی تحریک سودھا جیڑھا وی پلان ڳھن آوے اساں تیار ہیسے، نواز شریف بیماری دا بہانہ ٻݨا تے ملک توں ٻھجے، لُٹی دولت دی واپسی تئیں چوراں دا پیچھا کائنا چھڑیساں۔ اپوزیشن ڈاکواں دا ٹولہ اے جیڑھا میں توں ݙردے، اپوزیشن عدم اعتماد دی تحریک ایں کیتے گھن آوݨ چاہن??ی اے جو حکومت چلی ویسی اتے اے سزائیں توں بچ ویسن۔ مہانگ پاروں عالمی سطح تے شہیں دے نرخ ودھین، ہر ویلھے سچینداں جو عو??م کوں کینویں ریلیف ݙتا ونڄ سڳدے۔ اے ڳالھیں انہاں جمعے کوں عو??می رابطہ مہم بارے جلسہ عام توں خطاب کریندیں ہوئیں آکھی۔ ایں موقع تے وفاقی وزراء اتے قومی اسمبلی دے ارکان وی موجود ہن۔ وزیراعظم آکھیا جو نواز شریف کوں کݙاہیں ہک بیماری اتے کݙاہیں ݙوجھی بیماری تھی ویندی ہئی، ، لُٹی دولت دی واپسی تئیں چوراں دا پیچھا کائنا چھڑیساں۔ انہاں آکھیا جو خیبرپختونخوا اچ اساݙی پہلی حکومت ٻݨی تاں ساکوں آکھیا ویندا ہئی جو کتھاں اے نواں خیبرپختونخوا؟ پر 2018 ء اچ کے پی کے اچ انتخابات تھیے تاں عو??م اساکوں ݙوتہائی اکثریت ݙتی کیونجو اساݙے دور اچ کے پی کے اچ غربت ڳھٹ تھی ہئی۔ انہاں آکھیا جو اپوزیشن چوراں دا ٹولہ اے اتے ڈاکواں دا گلدستہ اے، انہاں اچوں ہک بندہ اے جئیں کوں میں مولانا نی اکھیندا، ڈیزل ساریاں کوں کٹھا کر تے ہر ݙو مہ??نے بعد حکومت ݙہاوݨ دی ڳالھ کریندے۔ پہلی واری اسمبلی ڈیزل دے بغیر چلدی پئی اے۔ ڈیزل 12 واں کھݙاری ٻݨیا ودے۔ وزیراعظم آکھیا جو اڄ ملک دی عدالتاں آزاد ہن، شہباز شریف جسٹس قی??م کوں ٹیلی فون کر تے آکھدا ہئی جو ترائے سال دی نی پںج سال دی سزا سݨاؤ، اڄ عدالتاں تے کوئی حملہ کائںی کریندا، اساں عدالتاں دا احترام کریندوں۔ جݙاں تئیں جینداں انہاں مافیا نال لڑساں۔ شریف ٹٻر کوں میݙا سنیھا اے جو تساں جو وی کرݨ چاہندو اساں تیار ہیسے، جیڑھا وی تساݙا منصوبہ اے کپتان ایں کیتے تیار ٻیٹھے۔ انہاں آکھیا جو کوئی شک نی نی مہانگ تھی ڳئی اے، ہر ویلھے سچیندا رہنداں جو کینویں عو??م کوں ریلیف ݙیووں اتے قوم کوں ٻوجھ توں کݙھ سڳوں۔ صحافی اے وی ݙسایا کرن جو مہانگ تھیوݨ دی وجہ کیا اے، کورونا پاروں پوری دنیا اچ شہیں دی آ ونڄ بند تھی ڳئی جئیں پاروں شہیں دے نرخ ودھین، اٹھ نو مہ??نے پہلے 40 ڈالر دا فی بیرل ہئی، اڄ 90 ڈالر دا تھی ??ئے?? اساں عو??م تے ٻوڄھ ڳھٹ کرݨ کیتے ٹیکسز اتے ڈیوٹی اچ ڳھٹکی کیتی۔ وزیراعظم آکھیا جو مدینہ دی ریاست دی بنیاد ݙو اصولاں انصاف اتے امر بالمعروف تے رکھی ڳئی ہئی۔ اساں پاکستان کوں ہک فلاحی ریاست ٻݨاوݨ چاہندو اتے صحت کارڈ ݙیوݨ ایں بارے ہک وݙا کم اے، مارچ تئیں ساریاں کوں ہیلتھ انشورنس دی صحت مل ویسی ایں کیتے 400 ارب روپے رکھیے ڳئن۔
اپوزیشن عدم اعتماد دی تحریک سودھا جیڑھا وی پلان ڳھن آوے اساں تیار ہیسے، نواز شریف بیماری دا بہانہ ٻݨا تے ملک توں ٻھجے، لُٹی دولت دی واپسی تئیں چوراں دا پیچھا کائنا چھڑیساں، وزیراعظم عمران خان دا عوامی رابطہ مہم بارے جلسہ عام توں خطاب
مضمون کا ماخذ : آن لائن لاٹری پاکستان
متعلقہ مضامین
