اسلام آباد ۔ 20 جولائی (اے پی پی) وفاقی وزیر منصوبہ بندی و ترقی احسن اقبال آکھیا جو 2025ء تئیں پاکستان کوں دنیا دی پہلی 25معیشتاں اچ رلیسوں،قوماں دی ترقی نالی یا سڑک بنڑاونڑ نال نی جڈانجو وڈے روڈ میپ نال ممکن اے،پاکستان سمیت مسلم ملکاں کوں دنیا اچ آپنڑی حیثیت منواونڑ سانگے علم اتے تحقیق نال آپنڑاں رشتہ جوڑنڑاں پمسی۔اے گالھیں انہاں بدھ کوں اتھاں پاکستان سائنس فائونڈیشن دے اہتمام نال سائنس ٹیلنٹ فارمنگ سکیم دی تقریب نال خطاب کریندیں ہوئیں آکھی۔انہاں آکھیا جو ہنڑ او قوماں زندہ رہ سگسن جئیں کنے علم کوں بروئے کار گھن آونڑ دی صلاحیت ہوسی۔انہاں اصولاں دے تحت اساں وژن2025ء دی بنیاد رکھی۔انہاں آکھیا جو اساں 1998اچ وڈے منصوبیاں دا منڈھ بدھیا ہئی جڈانجو جنرل پرویز مشرف آندے ای سارے منصوبے کوڑے دان اچ سٹ ڈتے۔انہاں آکھیا جو 1998ء اچ ملک اچ 350پی ایچ ڈیز ہن جڈانجو اج ملک اچ پی ایچ ڈیز دی تعداد7500توں ودھ گئی اے۔انہاں آکھیا جو اج دا پاکستان ترائے سال پہلے دے پاکستان توں چنگا اے۔
2025ء تئیں پاکستان کوں دنیا دی پہلی 25معیشتاں اچ رلیسوں،قوماں دی ترقی نالی یا سڑک بنڑاونڑ نال نی ،وفاقی وزیر احسن اقبال داسائنس ٹیلنٹ فارمنگ سکیم دی تقریب نال خطاب
مضمون کا ماخذ : Loteria Instantânea
متعلقہ مضامین
.jpg)
