اسلام آباد۔17جولائی (اے پی پی):وفاقی وزیر اطلاعات و نشریات چوہدری فواد حسین آکھیے جو افغانستان اچ اوں ویلھے تئیں امن قائم نی تھی سڳدا جݙاں تئیں سارے دھڑے آپت اچ نہ رل ٻہسن ، افغانستان اچ امن ہوسی تاں پورے خطے دے معیشت تبدیل تھیسی ، پاکستان افغانستان دے اندر مداخلت نی امن کیتے کردار ادا کریندا پئے ، افغانستان اچ کجھ عناصر دہلی نال تعلقات چاہندن ، افغانستان دی سرحد دہلی نال نی پاکستان نال ملدی اے ۔ نجی ٹی وی نال ڳال کریندے ہوئیں وفاقی وزیر اطلاعات آکھیے جو وزیراعظم عمران خان قبائلی عوام دی فلاح و بہبود تے توجہ ݙتی ، پختونخوا دے ضم شدہ ضلعیں دی ترقی کیتے بجٹ اچ 54 ارب روپے رکھیے ڳئن ، انہاں آکھیے جو سوویت یونین جݙاں کابل تے حملہ کیتا، اساں توں پچھ تے نی کیتا لیکن بعد اچ سوویت یونین کابل توں واپس ??لا??یااتے سارا ملبہ پاکستان تے پاݙتا ، ایندے بعد اسامہ بن لادن دا معاملہ تھیا تاں اے ملبہ وی پاکستان تے پاتا ڳیا انہاں آکھیے جو اساں افغانستان دے عوام کوں آپݨا بھرا سمجھیے 50 لکھ توں ودھ افغان مہاجرین کوں اساں سا??بھیے ، افغان مہاجرین دے ٻالاں پاکستان اچ تعلیم حاصل کیتی تے انجینئر، ڈاکٹر اتے کھلاڑی بݨیے ۔ افغانستان دی کرکٹ ٹی?? پاکستان بݨائی۔اساں طالبان کوں امریکا دے نال مذاکرات تے راضی کیتے انہاں کوں ھک میز تے ٻلھایا انہاں آکھیے جو افغانستان دے رہنماواں توں اپیل اے جو آپݨی ذات توں اڳوں نکل تے سوچن ۔
افغانستان اچ اوں ویلھے تے امن نی تھی سڳدا جݙاں تئیں سارے دھڑے آپت اچ نہ رل ٻہسن ، وفاقی وزیر اطلاعات چوہدری فواد حسین
مضمون کا ماخذ : ٹکی انماد
متعلقہ مضامین
