اسلام آباد 31 مئي (اے پي پي) وزيراعظم عمران خان وئيلي دي د معاشي استحكام ترلاسه كولو نه پس د دولت تخليق زمونږ هدف دے، حكومت د اوږدې مودې پروژو او پلان جوړولو پلو روان دے، 10 بندونه جوړول هم د دې لړې كړۍ ده، په كركيله او لائيو سټاك كښې جدت راولو، دوه نوي ماحول دوست ښارونه جوړولې شي، صحت كارډ په اصل كښې د روغتيا يو پوره نظام دے، يو قام جوړولو لپاره يو ډول نصاب معرفي كوو، د معاشي استحكام ترلاسه كولو نه پس د دولت تخليق زمونږ هدف دے. وزيراعظم دا خبرې د ګل په ورځ د واپډا لخوا د پاكستان د وړومبي ګرين يورو ﴿انډس بانډ﴾ د اجرا دستورې ته د خاص مېلمه په توګه په خپله وېنا كښې وكړې. د واپډا لخوا د ګرين يورو﴿انډس بانډ﴾ اجرا 500 مليونه ډالره ترلاسه كولو رامخې ته كړے شوے . ګرين يورو ﴿انډس بانډ﴾ د ديامر بهاشا او مومند بندونو فنانسنګ لپاره دے. ګرين يورو بانډ د رياستي ضمانت په ځاے د واپډا د مستحكم مالي پوزيشن په بنياد جاري پېل كړے شوے. په ګرين يورو﴿انډس بانډ﴾ كښې د نړۍ لويو لويو مالياتي ادارو د غېر معمولي خوښۍ څرګندونه كړې. په ګرين يورو﴿انډس بانډ﴾ كښې د نړيوالو مالياتي ادارو غېر معمولي دلچپسي د پاكستان او واپډا په مالي پوزيشن د باور څرګندونه ده. وزيراعظم عمران خان د بانډ اجرا په مهال د واپډا چيئرمېن او د هغه ډلې ته مباركي وركولو سره ووئيل حكومتي ادارې په رېټ قرض ترلاسه كړے او په بندونو ئې چې په كومه تندې سره كار كړے، په دې ئې ستائنه كوو. بهاشا او مومند بندونه چې كله پېل كړے شول نو په دوه كاله كښې د دومره پرمختګ هيله نه وه. د دې بنيادي وجه د عملدرآمد نشتوالے ؤ. وزيراعظم ووئيل قامونه د اوږدې مودې په پلانونو عظيم جوړېږي. دلته په هره څانګه كښې د دې نشتوالے ؤ . د كال 1960م په لسيزه كښې پاكستانيانو يوه هيله او باور لرلو. بيا ورو ورو په دې كښې تنزلي راغله. هغه وخت به چې كله مونږ په هند كښې د كركټ لوبې كولو نه پس بېرته پاكستان ته راغلو نو داسې به لګېده لكه چې تر ټولو غريب هېواد څخه كوم پرمختللي هېواد ته راغلي يو .ده ووئېل د كال 1985م نه پس په دې كښې تنزلي راغلې ، هند زمونږ نه وړاندې تللے . بنګله دېش كوم به چې د سېلاب او نورو وجوهاتو په وجه بوج ګڼلے شو، هغه هم زمونږ نه وړاندې لاړو ۔ده ووئېل مونږ برېښنا د لنډې مودې په بلانونو جوړوله. په دې كښې د بدنيتې عنصر ځانله ؤ. مونږ په نيمه وچه كښې تر ټولو ګرانه برېښنا پېدا كوو. وزيراعظم ووئيل په راتلونكو 10 كلونو كښې 10 نوي بندونه جوړوو چې په نتيجه كښې به ئې 10 زره مېګاواټ برېښنا راپېدا شي. 12 مليونه مكعب اېكړ فټ اضافي اوبه به په لاس راشي. ده ووئيل په آبادۍ كښې زياتوالي سره زيات پېداوار هم د وخت ضرورت دے. دې اقدام سره به د هېواد سلامتيا او فوډ سكيورټي باوري شي او ماحول دوست برېښنا به راپېدا شي. وزيراعظم ووئيل پاكستان په هغه لسو هېوادونو كښې شامل دے چرته چې نړيواله تودوخه ﴿حدت﴾ تر ټولو زياته ده. پاكستان ماحولياتي اعتبار سره ځپلے دے، د خپلو نسلونو لپاره سوچ كول دي چې كوم داسې اقدامات وكړے شي چې ورسره د دوي ژوند ښه شي او دوي ته ښه پاكستان پرېږدو. ده ووئيل د ماحولياتي بدلون په وجه زمومږ ګلېشئر په تندې سره وېلې كېږي او دې سره مونږ د اوبو كمي سره مخ كېدے شو. وزيراعظم عمران خان ووئيل په پاكستان كښې د اوبو څخه ډېره برېښنا پېدا كېدې شي، مونږ د لس اربه ونو نالولو هدف لرو . په خېبر پښتونخوا كښې مو يو ارب ونې نال كړي او دغه پروژه په كال 2018م كښې پېل شوې وه ٬ دغسې د 10 اربه ونو نالولو په پروژه كښې هم تراوسه يو ارب ونې نال كړے شوي. دا پروژه به په كال 2023م كښې ترسره شي او په ماحوليات به ئې مثبت آغېز وشي او د روزګار او سېلګرې موقعې به راپېدا شي۔ده ووئېل په ښارونو كښې به هم ونې نالولې شي، په ښارونو كښې به ورسره په خيرنوالي كښې كمے راشي. ده ووئيل په يو وخت كښې به لاهور ته د باغونو ښار وئيلے شوو. هلته الودګي تر خطرناك حد رسېدلې . وزيراعظم ووئيل د واپډا دې اقدام سره به يو خوا ته ارزانه او ماحول دوسته برېښنا پېدا شي نو د قومي پارك په جوړېدو به ورسره ځنګلي حيات هم محفوظ شي.
د معاشي استحكام ترلاسه كولو نه پس د دولت تخليق زمونږ هدف دے، حكومت د اوږدې مودې پروژو او پلان جوړولو په پلو روان دے. د وزيراعظم عمران خان د ګرين يورو﴿ انډس بانډ﴾ اجرا دستورې ته وېنا
مضمون کا ماخذ : estratégias loteria وفاقی
متعلقہ مضامین
