لسبیلہ /اسلام آباد۔10اگست (اے پی پی):وزیر اعظم عمران خ??ن آکھیے جو ملکی تاریخ اچ پہلی واری بلوچستان ??ی ترقی کیتے ھک ہزار ارب روپے خرچ کریندے پیوں، ماضی دے حکمران بلوچستان دی بجائے لندن زیادہ ویندے ہن ، بلوچستان دے اپݨے رہنماواں وی صوبہ ??ی ترقی تے توجہ نی ݙتی ، بلوچستان ترقی دی دوڑ اچ ملک دے ݙوجھے علاقیں توں پچھوں رہ ڳئے ایں سانگے صوبے تے زیادہ توجہ ݙیندے پیوں ۔ وزیراعظم عمران خ??ن اے ڳال سونمیانی بیچ تے شجر کاری مہم دا افتتاح کرݨ دے بعد ٻوٹے لاوݨ آلے کارکناں تے مقامی لوکاں توں خطاب کریندے ہوئیں آکھی اے ۔ انہاں آکھیے جو پاکستان دے ساحلی علاقے ٻہوں سوہݨے ہن جتھان سیاحتی مقامات بݨائے ونڄ سڳدن ، ہ?? تئیں پاکستان اچ سیاحت دے ودھارے کیتے ساری توجہ پہاڑی علاقیں تے ݙتی ڳئی ، لسبیلہ اچ سیاحت دے ودھارے دے ٻہوں سارے موقع ہن ۔ وزیر اعظم عمران خ??ن آکھیے جو پاکستان اچ مسلم ملکاں دے سیاحواں کوں گھن آوݨ کیتے ٻہوں موقع ہن پاکستان اللہ تعالیٰ دی طرفوں ٻہوں وݙا تحفہ اے ، بدقسمتی نال اساں ایں تحفے دی قدر نی کیتی ، حکومت دی ذمہ داری ہوندی اے جو لوکاں دی زندگی بہتر کیتی ونڄے ۔ وزیر اعظم آکھیے جو ساحلی علاقیں اچ مینگروز دے جنگلات 4 گنا زیادہ مضر صحت کاربن ڈائی آکسائیڈ جذب کریندن ۔
ملکی تاریخ اچ پہلی واری بلوچستان دی ترقی کیتے ھک ہزار ارب روپے خرچ کریندے پیوں ، وزیر اعظم عمران خان دا سونمیانی بیچ تے شجر کاری مہم دے افتتاح توں بعد مقامی لوکاں نال خطاب
مضمون کا ماخذ : بڑا برا بھیڑیا۔
متعلقہ مضامین
