اسلام آباد۔19جولائی(اے پی پی) د اطلاعاتو او خپرونو وفاقي وزيرې مريم اورنګزېب وئيلي دي د وزیراعظم شهباز شریف د وژن له مخې د موجوده حكومت د فوري او كوټلي اقداماتو له امله د هېواد په معيشت كښې مثبت نتيجې رامخې ته كېدل پېل شوي دي٬ د سكرين ټورازم دلارې پاكستانې كلتور ګردې نړۍ ته ښودل غواړؤ۔ دا خبره دې ملاقات لپاره راغلي پاكستان كښې د آسټريليا سفير نيل هاكنز سره خبرو كښې وكړه۔ په ملاقات كښې په دوه اړخيزه اړيكو ٬ معاشي استحكام ٬ فلم آرټ او د كلتور په څانګو كښې په همكارۍ د خيالاتو څرګندونه وشوه۔ د آسټریلیا سفیر د هېواد د معيشت استحكام او آئي اېم اېف سره لوظنامې لپاره د موجوده حكومت د هڅو ستائنه وكړه۔ وفاقی وزیرې ووئيل پاكستان آسټرېليا سره خپلو اړيكو ته د قدر په سترګه ګوري۔ د وزیراعظم شهباز شریف د وژن له مخې موجوده حكومت فوري او كوټلي ګامونه پورته كړل د كومو چې د هېواد په معيشت كښې مثبت نتيجې رامخې ته كېدل پېل شوي دي۔ د آسټريليا سفير سره د خصوصي سرمايه كارۍ سهولت كونسل (اېس آئي اېف سي) په اړه خپلو خبرو كښې وفاقی وزیرې ووئيل دا كونسل به معاشي بحالۍ لپاره د پالېسۍ پېش ګوئي ٬ تسلسل او فعاله نفاذ باوري كړي۔ اېس آئی اېف سی به د فېصله سازۍ په اعلی فورم كار كوي۔ دې زياته كړه چې حكومت د رايې په آزادۍ بشپړ باور لري۔ حكومت اقتدار كښې راتللو سره په اولنۍ اونۍ كښې د رايې آزادۍ بل پارلیمنټ ته وړاندې كړو۔ دغسې جرنلسټس اېنډ میډیا پروفیشنلز پروټیکشن (ترمیمی) بل د منظورېدو پړاؤنو څخه تېرېږي۔ دې ووئيل د روان كال په مهال بجټ كښې د خبريالانو او فنكارانو هېلتھ انشورنس لپاره زيات رقم بېل كړې شو او په اولني ځل فلم انډسټري لپاره بجټ بېل كړے شو۔ دې ووئيل مونږ د سكرين ټورازم د لارې پاكستانې كلتور ګردې نړۍ ته ښودل غواړؤ۔ دې سفير ته د نېشنل امیچور فلم فیسټیول په اړه خپلو خبرو كښې ووئيل په دې ورستيو كښې د نېشنل امیچور فلم فیسټیول ایوارډ 25 هائی اچیورز آسټریلیا ته روان شوي دي۔ په دې موقعه د آسټرېليا سفير خپلو خبرو كښې ووئيل د آسټریلیا كمپني بلوچستان كښې په رېكوډك منصوبه كار كوي٬ دا به د پاكستان د پرمختګ دروازه پرانيزي۔ د آسټریلیا سفیر فلم اېنډ كلچر او هېواد كښی د رايۍ آزادۍ ته وده وركولو له د وفاقي وزيرې د هڅو ستائنه وكړه۔
د هېواد په معيشت كښې مثبت نتيجې رامخې ته كېدل پېل شوي دي٬ د سكرين ټورازم د لارې پاكستانې كلتور ګردې نړۍ ته ښودل غواړؤ ٬ د اطلاعاتو او خپرونو وفاقي وزيرې مريم اورنګزېب د آسټريليا سفير نيل هاكنز سره خبرې
مضمون کا ماخذ : آن لائن لاٹری ویب سائٹ
متعلقہ مضامین
