اسلام آباد۔3ستمبر(اے پی پی)وفاقی وزیر پٹرولیم مصدق ملک آکھیے جو زرعی شعبے اچ جدت اتے بیرونی سر??ایہ کاری ڳھن ??وݨ کیتے اقدامات کیتے ویندے پن۔ او اسلام آباد اچ قومی اسمبلی دے اجلاس نال الیندے پئے ہن۔ انہاں آکھیا جو گرین پاکستان انیشییٹو سانڳے سنڄ علاقیان تے کاشتکاری کیتی ویندی اے، پروگرام کیتے 4.8 ملین ایکڑ زمین ݙسی ڳئی اے، 8 لکھ 12 ہزار ایکڑ زمین 2 صوبیان اچ ڳھدی ڳئی اے، پنجاب اتے سندھ ٹھیکے تے زمین منتقل کرݙتی اے ڄݙاں جو باقی ݙو صوبیاں خیبر پخ??ونخوا اتے بلوچستان نال ڳالھ ٹردی پئی اے، پاݨی ݙیوݨ دے نال نال ݙوڑی فصل پیدا کرں پروگرام دا حصہ اے، ڄیڑھا وی فیدہ تھیسی ایندا 40 فیصد حصہ صوبے کوں ملسی، اٹھارہویں ترمیم دے بعد صوبیاں اپݨے فیصلے آپ کرݨے ہوسن، وفاق کوں حق نئیں جو او صوبیاں کوں ہدایات ݙیوے جو او پاݨی کتھاں استعمال کرن۔ انہاں آکھیا جو ساݙے پاݨی لاوݨ دے طریقے پراݨے تھی چکین، ہݨ گرین انیشیٹو کوں سارے ڄاݨ چکین اتے زمین وی ݙتی اے، سکیم نال سنڄ علاقے سرسبز اتے آباد تھیسن، چولستان دی سنڄ زمین کیتے پاݨی پنجاب دے حصے توں آسی، ٹیلی میٹری پروگرام تےعملدرآمد نال سارے ابہام دور تھی ویسن، لینڈ ریفارمز دی لوڑھ اے تان بل ڳھن ??وئو اتے کمیٹی کوں ٻھڄوائو۔ انہاں آکھیا ڄݙ??ں پاکستان کھپے تھیسی تاں دہشتگردی کیوں تھیسی؟ ڄے تئیں سندھ اچ پیپلز پارٹی اے سندھو دیش دا نعرہ کیوں لگسی؟ اے کوئی سیاسی ڳالھ نئیں، میݙے ??ل اچ پیپلز پارٹی کیتے احترام اے، پیپلز پارٹی شہادتاں ݙتن اتے اینڄھیاں تحریکاں مکایاں وی ہین۔
اٹھارہویں ترمیم دے بعد صوبیاں کوں اپݨے فیصلے آپ کرݨے ہوسن، وفاقی وزیر پٹرولیم مصدق ملک
مضمون کا ماخذ : ولف گولڈ
متعلقہ مضامین
